नवी दिल्ली
टाटा ग्रुप आणि भारतातील मोठी इ ग्रॉसरी क्षेत्रातील कंपनी बिगबास्केट यांच्यातील व्यवहार आता अंतिम टप्प्यावर आला असून महिन्याअखेर खरेदी करार पूर्ण होणार असल्याचे सांगण्यात येत आहे. टाटा ग्रुपने बिगबास्केटमधील वाटा खरेदी करणार असल्याचे याआधीच स्पष्ट केले आहे. बिगबास्केट या इ ग्रॉसरी पोर्टलवरून दररोज 3 लाख ग्राहक ऑर्डर करतात. कंपनीचा महसूल 5 हजार 200 कोटी रुपयांवर असून कंपनीला 920 कोटींचा तोटा झालेला आहे. यासोबत आता अलिबाबा या व्यवहारातून बाहेर पडणार असं दिसतंय. अलिबाबाचा 29 टक्के वाटादेखील टाटा ग्रुप खरेदी करणार असल्याचे सांगण्यात येते.