5.49 लाख सुरूवातीची किंमत – इग्नीस, किगरला टक्कर
वृत्तसंस्था/ मुंबई
टाटा मोटर्सची सुव्ह गटातील पंच ही कार अखेर सोमवारी बाजारात दाखल झाली आहे. सदरच्या कारची सुरूवातीची किंमत 5.49 लाख रुपये इतकी असणार आहे. विविध चार प्रकारात दाखल करण्यात येणारी ही गाडी मॅन्युअल आणि एएमटी ट्रान्स्मीशनसह आली आहे. सदरची गाडी मारूती सुझुकीच्या इग्नीस, रेनॉच्या किगर व महिंद्राच्या कुव्ह 100 एनएक्सटीला टक्कर देईल असे सांगितले जाते.
प्युअर, प्युअर रिदम पॅक, ऍडव्हेंचर, ऍडव्हेंचर रिदम पॅक अशा विविध गटातील कारची किंमत ही 5 लाख 49 हजार ते 9 लाख 39 हजार रुपये इतकी असणार आहे. सुरक्षिततेच्या मानांकनात या कारला फाइव्ह स्टारचे रेटिंग मिळाले आहे. क्रॅश टेस्टमध्ये वरचे रेटिंग मिळवणारी पंच ही टाटाची तिसरी कार असल्याचे सांगितले जाते. याआधी 2018 मध्ये दाखल झालेल्या नेक्सॉनला आणि 2020 मध्ये दाखल झालेल्या अल्ट्रोज हिला असे रेटिंग मिळाले होते.