नवी दिल्ली
टाटा स्टील कंपनीचे पोलाद उत्पादन 31 मार्च 2022 रोजी समाप्त झालेल्या मागील आर्थिक वर्षातील चौथ्या तिमाहीत तीन टक्क्यांनी घसरुन 75.7 लाख टन राहिले आहे. अशी माहिती कंपनीने मंगळवारी दिली आहे. कंपनीने आर्थिक वर्ष 2020-21 मधील जानेवारी ते मार्च तिमाहीत 78 लाख टन पोलाद उत्पादन घेतल्याची नोंद करण्यात आली आहे. मागील आर्थिक वर्षातील चौथ्या तिमाहीत कंपनीची एकूण विक्री चार टक्क्यांपेक्षा अधिक राहिली असून ती वाढीसोबत 78.2 लाख टनाच्या घरात पोहोचली आहे. जी एक वर्षाच्या समान कालावधीत 75.1 लाख टन इतकी राहिली होती. टाट स्टील इंडियाने तिमाही दरम्यान 49 लाख टन पोलादचे उत्पादन घेतले आहे. आणि 51.2 लाख टन विक्रीची नोंद केली आहे. म्हणजे हा आकडा मागील वर्षातील समान कालावधीत भारतातील उत्पादन 47.5 लाख टन आणि विक्री 46.7 लाख टन राहिल्याची नोंद करण्यात आली आहे.