नवी दिल्ली / वृत्तसंस्था
यंदा ऑक्टोबरमध्ये ऑस्ट्रेलियात आयोजित आयसीसी टी-20 विश्वचषक स्पर्धा होणार का, याचा फैसला आता पुढील महिन्यापर्यंत लांबणीवर टाकण्यात आला आहे. आयसीसीने रात्री उशिरा ही घोषणा केली. पूर्वनियोजित रुपरेषेनुसार, ही स्पर्धा दि. 18 ऑक्टोबर ते 15 नोव्हेंबरपर्यंत खेळवली जाणे अपेक्षित आहे. मात्र, कोव्हिड-19 च्या महासंकटामुळे एकंदरीतच प्रचंड अनिश्चितता निर्माण झाली आहे.
आयसीसीने या बैठकीत याशिवाय कर सवलतीचा मुद्दा निकालात काढण्यासाठी बीसीसीआयला डिसेंबरपर्यंत मुदतवाढ देण्याचाही निर्णय घेतला.