वृत्तसंस्था/ नुर सुल्तान
कझाकस्तानमध्ये सुरू असलेल्या एटीपी टूरवरील ऍस्टेना पुरूषांच्या खुल्या आंतरराष्ट्रीय टेनिस स्पर्धेत भारताचा डी. शरण याने आपला साथीदार ब्रिटनच्या बेमब्रीज समवेत दुहेरीत उपांत्यपूर्व फेरी गाठली आहे.
डी. शरण आणि बेमब्रीज या जोडीने बुधवारी झालेल्या सामन्यात उरूग्वेचा बेहर आणि इक्वेडोरचा गोंझालो यांचा 7-5, 4-6, 10-6 अशा सेट्समध्ये पराभव केला. हा सामना तीनतास चालला होता. एटीपी टूरवरील ऍस्टेना 250 खुल्या टेनिस स्पर्धेत आता डी शरण आणि बेमब्रीज यांचा पुढील फेरीतील सामना ऑस्ट्रेलियाच्या पर्सेल आणि सेव्हेली यांच्याशी होणार आहे. पर्सेल आणि सेव्हिली यांनी कझाकस्तानच्या गोलुबेव्ह आणि निडोव्हेसोव्ह यांचा 6-4, 6-4 असा पराभव केला.