वृत्तसंस्था/ तुरिन, इटली
येथे झालेल्या डेव्हिस चषक उपांत्यपूर्व लढतीत क्रोएशियाने इटलीचा धक्कादायक पराभव करून उपांत्य फेरीत स्थान मिळविले. दुहेरीच्या निर्णायक लढतीत ऑलिम्पिक चॅम्पियन्स निकोला मेक्टिक व मेट पॅविच यांनी यानिक सिनर व फॅबिओ फॉगनिनी यांच्यावर मात करीत क्रोएशियाला हे यश मिळवून दिले.
इटलीला या स्पर्धेच्या संभाव्य विजेत्यापैकी एक मानले जात होते. पण पहिल्या एकेरीत लॉरेन्झो सोनेगोचा बोर्ना गोजोकडून झालेला धक्कादायक पराभव त्यांना खूपच महाग पडला. दुसऱया एकेरीत सिनरने मारिन सिलिकवर विजय मिळवित क्रोएशियाला बरोबरी साधून दिली. त्यामुळे दुहेरीला निर्णायक स्वरूप प्राप्त झाले. त्यात मेक्टिक-पॅविच जोडीने सिनर व फॉगनिनी यांच्यावर 6-3, 6-4 अशा सेट्सने मात करीत आपल्या संघाला शेवटच्या चारमध्ये स्थान मिळवून दिले.