नवी दिल्ली : मार्च महिन्यात येथे होणाऱया यजमान भारत आणि डेन्मार्क यांच्यातील डेव्हिस चषक विश्व गट-1 प्लेऑफ लढतीसाठी घोषित करण्यात आलेल्या भारतीय डेव्हिस संघामध्ये युकी भांब्रीचे पुनरागमन झाले असून सुमीत नागलला डच्चू देण्यात आला आहे.
अखिल भारतीय टेनिस फेडरेशनने या डेव्हिस चषक लढतीसाठी पाच जणांचा भारतीय संघ जाहीर केला. या संघामध्ये युकी भांब्री, रामकुमार रामनाथन, प्रज्नेश गुणेश्वरन, रोहन बोपण्णा अणि डी. शरण यांचा समावेश आहे. मात्र सुमीत नागलला वगळण्यात आले आहे. साकेत मायनेनी आणि दिग्विजय प्रताप सिंग हे दोन राखीव खेळाडू राहतील. भारतीय डेव्हिस संघाला झिशान अलीचे मार्गदर्शन असून रोहित राजपाल बहिस्त कर्णधार आहेत.