ऑनलाईन टीम / इस्लामाबाद :
कोरोनाचा वाढता फैलाव रोखण्यात अपयशी ठरलेल्या पाकिस्तानने नवीन आरोग्य मंत्र्यांची नियुक्ती केली आहे. डॉ. फैसल सुलतान हे आता पाकचे नवे आरोग्यमंत्री आहेत.
कोरोनाचा संकटाचा सामना करण्यास सरकार अपयशी ठरत असल्याने इम्रान खान सरकारवर चौफेर टीका होत होती. त्यामुळे मागील आठवड्यात आरोग्यमंत्री डॉ. झफर मिर्झा यांनी राजीनामा दिला होता. पंतप्रधान इम्रान खान यांनी सोमवारी मिर्झा यांच्या जागी डॉ. फैसल सुलतान यांची नियुक्ती केली आहे.
ऑगस्ट 2018 मध्ये सत्तेवर आलेल्या इम्रान सरकारमध्ये सुरुवातीला आमीर कयानी हे आरोग्यमंत्री होते. देशातील औषधांच्या किमती नियंत्रणात आणण्यात अपयशी ठरल्याने कयानी यांना पदावरून हटवण्यात आले. त्यांच्या जागी मिर्झा आरोग्यमंत्री झाले. मिर्झा यांच्या राजीनाम्यानंतर सुलतान आरोग्यमंत्री झाले.