बेंगळूर/प्रतिनिधी
कन्नड चित्रपटसृष्टीत ड्रग रॅकेटमध्ये सहभागी असणाऱ्या अभिनेत्री रागिणी द्विवेदी आणि संजना गलराणी यांच्या केसांचे नमुने हैदराबाद येथील फॉरेन्सिक सायन्स प्रयोगशाळेने परत केले आहेत. प्रयोगशाळेच्या वतीने असे सांगितले गेले आहे की चाचणीसाठी पुरावे सादर करण्यासाठी विहित केलेल्या प्रक्रियेचे पालन केले गेले नाही.
याविषयी बोलताना सह पोलिस आयुक्त गुन्हेगारी संदीप पाटील यांनी, फॉरेन्सिक विज्ञान प्रयोगशाळेने त्रुटींमुळे दोन्ही अभिनेत्रींचे केसांचे नमुने परत केले आहेत. त्यांनतर त्रुटी दूर केल्यावर नमुने पुन्हा पाठविण्यात आलेत.
चित्रपट निर्माता इंद्रजित लंकेश यांनी पार्ट्यांमध्ये ड्रग्स तस्करी आणि मादक द्रव्यांच्या गैरवापराचा आरोप केल्यांनतर कन्नड चित्रपट जगतात एक खळबळ उडाली होती. त्यानंतर सीसीबीने तपास वेग वाढविला आणि ड्रग तस्कर प्रकरणी कारवाई केली आहे.