बेंगळूर/प्रतिनिधी
कर्नाटकातील शेजारील राज्यांमध्ये कोरोनाचे रुग्ण वाढत असल्याने राज्य सरकारने सतर्कता म्हणून केरळ आणि महाराष्ट्रातून येणाऱ्या प्रवाशांना कोरोना नकारात्मक अहवाल बंधनकारक केला आहे. आता तामिळनाडूतून येणाऱ्या प्रवाशांनाही कोरोना नकारात्मक अहवाल असणे आवश्यक असणार आहे. दरम्यान, चामराजनगर जिल्हा प्रशासनाने यासंदर्भात आदेश जरी केले आहेत. तामिळनाडूतील प्रवाशांना नकारात्मक कोरोना अहवाल सादर करणे बंधनकारक केले आहे जे आगमनच्या वेळी ७२ तासांपेक्षा जुने नसावेत.
शेजारच्या राज्यात नवीन प्रकरणे वाढल्यानंतर हा निर्णय घेण्यात आला आहे. तामिळनाडूतील प्रवाशांसाठी रविवारपासून नकारात्मक अहवाल अनिवार्य असणार आहे. येणाऱ्या प्रत्येक प्रवाशाकडे हा अहवाल असणे बंधनकारक असणार आहे.
चामराजनगर जिल्हा प्रशासनाने कर्नाटक-तामिळनाडू सीमेवरील पुणजानूर चेकपोस्ट, अर्धनीपुराजवळील नाल रोड आणि हानूर तालुक्यातील पालार येथील चेकपोस्टवर लोकांची कडक तपासणी केली जात आहे.