प्रतिनिधी / सातारा
तारळे भागात गावटगे वाळूचा उपसा करून राजरोसपणे त्याची विक्री करतात. हपप्पाचा माल गपापा करताना महसूल विभागाला कळत नव्हते. मात्र, दोन दिवसांपूर्वी स्वतः प्रांत श्रीरंग तांबे यांनी छापा मारून कारवाई करताच रविवारी तारळी नदीच्या पात्रात मंडलअधिकारी पी.जी.ब्रम्हे यांनी छापा मारून कारवाई केली.उशिरा रात्री गुन्हा दाखल करण्याची प्रक्रिया सुरू होती. मात्र, वाळू तस्करांचे चांगलेच धाबे दणाणले आहेत.तसेच कराड प्रांत यांनी शिरगाव फाटा येथे कारवाई केली आहे.