ऑनलाईन टीम
पालघर जिल्ह्यात बोईसर येथे तारापूर एमआयडीसीत भीषण स्फोट झाला. शनिवारी सायंकाळी हा स्फोट झाला. या स्फोटात ८ जण मृत्युमुखी पडले आहेत तर काही जण भाजले आहेत. स्फोटाचा हादरा इतका मोठा होता की आसपासचा १० ते १५ कि.मी. चा परिसर हादरला. मृतांमध्ये कंपनीच्या मालकाचाही समावेश आहे.
बोईसरमधील विकास केमिकल कंपनीत मोठा स्फोट झाला. स्फोटाच्या हादऱ्यामुळे कंपनीच्या आवारातील एक इमारत कोसळली आहे. काही कामगार ढिगाऱ्याखाली अडकले आहेत.