बेळगाव : तिसऱया रेल्वेगेटनजीकच्या रेल्वे मार्गावर तातडीच्या दुरुस्तीचे काम हाती घेण्यात येणार असल्याने दि. 4 डिसेंबर रोजी सकाळी 8 ते रात्री 8 या दरम्यान रेल्वेगेट बंद राहणार आहे. त्यामुळे या गेटातून होणारी सर्व वाहतूक वळविण्यात येणार असून, त्यासाठीची उपाययोजना करावी, असे रेल्वे खात्याने वाहतूक विभागाचे पोलीस निरीक्षक यांना कळविले आहे.
वाहतूक वळविण्यात येणार असल्याने नागरिकांनी याची नोंद घ्यावी, असे आवाहनही रेल्वेने केले आहे.