प्रतिनिधी /पेडणे
त्रिपुरा सरकारने पंतप्रधान नरेंद्र मोदी यांनी घोषित केलेल्या भारत-बांगलादेशसाठी “प्रोटोकॉल मार्ग” यासह इनलेंड वॉटर सेवा सुरू करण्याची योजना आखत आहे. या योजनेसाठी त्यांनी आगरतळा, त्रिपुरा येथे 15 डिसेंबर ते 18 डिसेंबर दरम्यान अंतर्देशीय जलमार्गा?वर , सरकारी अधिकारी यांना प्रशिक्षण देण्यासाठी पेडणेच्या सुपुञाची झालेली निवड गोव्याची मान उंचाविणारी ठरली आहे.
अंतर्देशीय जलमार्ग आणि जहाज डिझाइन या विषयावर व्याख्यान देणाऱया शिक्षकांपैकी एक युवक पेडणे येथील निरंजन अविनाश निगळय़? यांनी शिप डिझाईन, इनलँड व्हेसेल नियम, जहाजबांधणीतील एंड टू एंड अ??क्टिव्हिटी इत्यादी विषयांवर व्याख्याने दिली होती.
निरंजन वय 30, हे पराष्टे गावचे रहिवासी आहेत. ते भारतीय सागरी विद्यापीठ, (जहाजवहन मंत्रालय, भारत सरकार) मधून “नेव्हल आर्किटेक्चर आणि महासागर अभियांत्रिकी” मध्ये पदवीधर आहेत. तो विद्यापीठाचा रँक मेडलिस्ट आहे. इंडियन रजिस्टर ऑफ शिपिंग, मुंबईमध्ये 4 वर्षे काम केल्यानंतर, 2019 मध्ये गोव्यात त्यांचे स्टार्टअप “निर्माण डिझाइन्स”, जहाज डिझाइन कार्यालय उघडण्यासाठी ते गोव्यात परत आले. आता त्यांचे एक कार्यालय आंध्र प्रदेशात आहे. त्यांच्या कंपनीत गोव्याचे 14 अभियंते कार्यरत आहेत. काही राज्यांमध्ये बोटींच्या दुर्घटनेनंतर, “निर्माण डिझाइन्स” ने राज्यांना बोटींची किमान सुरक्षा सुनिश्चित करण्यास मदत केली होती. सध्या निर्माण डिझाईन अनेक मालवाहू जहाजे, प्रवासी जहाजे केवळ गोव्यातच नाही, तर भारत आणि परदेशातही डिझाइन करत आहेत.
निरंजन म्हणाले, त्रिपुरा सरकार राज्यात जलमार्ग आणि जल पर्यटन सुरू करण्यासाठी सर्वोत्तम पुढाकार घेत आहे. जलवाहतूक हे सर्वात स्वस्त आणि उत्तम वाहतुकीचे साधन आहे, त्यामुळे राज्याला पाठिंबा देणे हे आपले कर्तव्य आहे. निरंजन निगळय़? यांनी त्रिपुराला मदत करणारे गोवा राज्य, बंदरांचे कॅप्टन, बंदरांचे उप कॅप्टन यांचेही आभार मानले.