इस्लामाबाद / वृत्तसंस्था
वायव्य पाकिस्तानातील पेशावर येथील एका मदरशात दहशतवाद्यांनी घडविलेल्या बाँबस्फोटात 7 बालकांचा मृत्यू झाला आहे. मंगळवारी सकाळी ही घटना घडली. या घटनेत 70 जण जखमीही झाले आहेत. इस्लामविषयक व्याख्यान या जामिया मिलिया झुबैरिया मदरशात सुरू असताना इस्लामी दहशतवाद्यांनी हा स्फोट घडविल्याचे पोलिस अधिकाऱयांनी सांगितले. अद्याप कोणत्याही गटाने या हल्ल्याची जबाबदारी स्वीकारलेली नसली तरी स्फोटाच्या पद्धतीवरून तो कोणत्यातरी जहाल इस्लामी संघटनेकडून करण्यात आला असावा, असा पोलिसांचा कयास आहे.