प्रतिनिधी/ दापोली
दापोली तालुक्यातील पाळंदे येथील समुद्रकिनाऱयावर एकाच आठवडय़ात दोन डॉल्फीन माशांचा मृत्यू ओढवल्याने निसर्गप्रेमीमधून चिंता व्यक्त होत आहे
पाळंदे समुद्रकिनारी गेल्या आठवडय़ात एका डॉल्फीनचा मृत्यू ओढवला होता. ही बाब ग्रामस्थांनी पत्रकार व वनविभागाच्या निदर्शनास आणून दिली. यानंतर वनविभाग अधिकाऱयांनी घटनास्थळी जाऊन याचा पंचनामा केला व मृत डॉल्फीनला समुद्रकिनारी खड्डा काढून पुरले. ही घटना ताजी असताना रविवारी दुसऱया एका डॉल्फीनचा मृतदेह समुद्रकिनारी पडलेला आढळून आला. मात्र एकाच आठवडय़ात दोन डॉल्फीनचा एकाच समुद्रकिनारी मृत्यू ओढवल्याने अनेक तर्कवितर्क लढवले जात आहेत
हे डॉल्फीन नेमके कोणत्या कारणाने मृत होत आहेत याची कारणमीमांसा होणे गरजेचे बनले आहे. सध्या वातावरणात होत असलेले बदल व उष्म्यामध्ये झालेली वाढ या संवेदनशील डॉल्फीनच्या मृत्यूस कारणीभूत ठरत नाही ना, अशी भीती निसर्गप्रेमीमधून व्यक्त होत आहे.