दापोली/ प्रतिनिधी
दापोली तालुक्यातील सारंग रोड येथील जंगल रस्त्यावर रानगव्याचे दर्शन झाले. दापोली शहरातून कळंबटकडे जाणाऱ्या रस्त्यावर सारंग रोड येथे दापोली नगरपंचायतीचे स्वीकृत नगरसेवक हे आपल्या वैयक्तिक कामाकरिता सारंग येथे जात होते. यावेळी त्यांना सोमवारी महाकाय रानगवा आढळून आला. त्यांनी त्याला आपल्या मोबाईलमध्ये हे चित्रबद्ध केले. हा गवा पूर्ण वाढ झालेला होता. तो सारंग रोड ओलांडून पुढच्या जंगलात निघून गेला अशी माहिती नादिरा रखांगे यांनी तरुण भारतशी बोलताना दिली. याबाबत वन विभागाशी संपर्क साधला असता संपर्क होऊ शकला नाही.