ऑनलाईन टीम / जम्मू :
जम्मू काश्मीरमधून दिलासादायक बाब समोर आली आहे. आज दिवसभरात 1,386 रुग्णांना डिस्चार्ज दिला. तर आतापर्यंत 63,790 रुग्णांची प्रकृती सुधारली असून त्यांना घरी सोडण्यात आले आहे. यामध्ये 23,357 रुग्ण जम्मूतील तर 40,433 जण काश्मीरमधील आहेत.
मिळालेल्या माहितीनुसार, मागील 24 तासात 632 नवे कोरोना रुग्ण आढळले आहेत. तर 10 जणांचा मृत्यू झाला. त्यामुळे एकूण रुग्णांची संख्या 79 हजार 738 वर पोहोचली आहे.
आज आढळलेल्या नव्या रुग्णांमध्ये जम्मूतील 346 आणि काश्मीर मधील 286 जणांचा समावेश आहे. सद्य स्थितीत 14 हजार 696 रुग्णांवर उपचार सुरू आहेत. यामध्ये जम्मूतील 8,215 आणि काश्मीरमधील 6,481 जण आहेत.
- 1252 जणांचा मृत्यू
तर आतापर्यंत 1252 जणांचा कोरोनामुळे मृत्यू झाला आहे. यामध्ये जम्मूतील 387 जण तर काश्मीरमधील 865 जणांनी आपला जीव गमावला आहे. सध्या राज्यात 23 हजार 880 लोक होम क्वारंनटाईनमध्ये आहेत तर 14 हजार 696 लोक हॉस्पिटलमधील आयसोलेशन कक्षात आहेत.