ऑनलाईन टीम / नवी दिल्ली :
दिल्लीत आज दिवसभरात 1118 नव्या कोरोना रुग्णांची नोंद झाली. तर 26 जणांचा मृत्यू झाला आहे. त्यामुळे दिल्लीतील कोरोना बाधितांची एकूण संख्या 1 लाख 36 हजार 716 वर पोहचली आहे. यामधील 10 हजार 596 रुग्णांवर उपचार सुरू आहेत.
शनिवारी 1201 रुग्णांची प्रकृती सुधारली असून त्यांना घरी सोडण्यात आले आहेे. तर आतापर्यंत 1 लाख 22 हजार 131 रुग्ण कोरोनामुक्त झाले आहेत. तर आतापर्यंत 3989 जणांचा कोरोनामुळे मृत्यू झाला आहे. त्यामुळे दिल्ली वासियांची चिंता वाढली असून भीतीचे वातावरण निर्माण झाले आहे.
ताज्या आकडेवारी नुसार, दिल्लीत आतापर्यंत जवळपास साडे दहा लाखांपेक्षा अधिक टेस्ट करण्यात आल्या आहेत. त्यातील 5140 आरटीपीसीआर टेस्ट आणि 13,014 रैपिड एंटिजेन टेस्ट करण्यात आल्या आहेत.