ऑनलाईन टीम / नवी दिल्ली :
दिल्लीत दिवसेंदिवस रुग्ण वाढीचे आणि मृत्यूंचे प्रमाण कमी होताना दिसत आहे. आज दिवसभरात 100 नव्या कोरोना रुग्णांची नोंद झाली. तर एकाही रुग्णांचा कोरोनामुळे मृत्यू झालेला नाही. त्यामुळे दिल्लीतील कोरोना बाधितांची एकूण संख्या 6 लाख 36 हजार 260 वर पोहचली आहे. यामधील 1,052 रुग्णांवर विविध रुग्णालयात उपचार सुरू आहेत.
दिलासादायक बाब म्हणजे दिवसभरात 144 रुग्णांची प्रकृती सुधारली असून त्यांना घरी सोडण्यात आले आहेे. तर आतापर्यंत 6 लाख 24 हजार 326 रुग्ण कोरोनामुक्त झाले आहेत. तर आतापर्यंत 10,882 जणांचा कोरोनामुळे मृत्यू झाला आहे.
ताज्या आकडेवारी नुसार, दिल्लीत आतापर्यंत जवळपास 1 कोटी 12 लाख 56 हजार 961 टेस्ट करण्यात आल्या आहेत. त्यातील 31,300 आरटीपीसीआर टेस्ट आणि 25,110 रैपिड एंटिजेन टेस्ट एका दिवसात करण्यात आल्या आहेत.