प्रतिनिधी/ रत्नागिरी
मुंबई-गोवा महामार्गावरील हातखंबा पेट्रोलपंप येथे दुचाकी-टॅम्पोमध्ये झालेल्या अपघातात 5 जण जखमी झाल़े ही घटना मंगळवारी दुपारी दिड वाजण्याच्या सुमारास घडल़ी जखमींना रत्नागिरी जिल्हा शासकीय रूग्णालयात दाखल करण्यात आले आह़े
दुचाकीवरील अरसलान अल्ताफ मुकादम (14) व इब्राहिम नेवरेकर (51, ऱा लांजा तेलीवाडी) तर टॅम्पोमधील तेजश्री किशोर सोने (24), किशोर अरूण सोने (31) व रूकमुद्दीन बादशहा शेख (25, ऱा मानखूर्द नवीमुंबई) अशी जखमींची नावे आहेत़ पोलिसांकडून मिळालेल्या माहितीनुसार टॅम्पोमधील सर्व जण हे मुंबई येथून कुडाळ सिंधुदुर्ग कडे प्रवास करत होते तर नेवरेकर हे लांजाच्या दिशेने जात होत़े
दुपारी दिड वाजण्याच्या सुमारास हातखंबा पेट्रोलपंप येथे टॅम्पोने दुचाकीला मागून जोरदार धडक दिल़ी या अपघातात दुचाकीवरील नेवरेकर व मुकादत हे खाली कोसळून जखमी झाले तर टॅम्पोदेखील रस्त्यावर उलटल़ा या अपघातात दुचाकीवरील दोघे तर टॅम्पोमधील 3 जण जखमी झाल़े