वार्ताहर / बागणी
दुधगाव ता मिरज येथील बंधाऱ्यावरून नागरिकांनी सांगली व कोल्हापूर जिल्ह्यातीत ये जा करण्यासाठी खुलेआम वाहतूक सुरू केली आहे. दिवसभरात हजारो लोक या बंधाऱ्यावरून वाहतूक करत असताना दिसून येत आहेत. या ठिकाणी पोलीस बंदोबस्त आहे. तरी पोलिसांना अरेरावी व दमदाटी करत लोकांनी वाहतूक सुरू ठेवली आहे.
खोची ता. हातकणंगले जि कोल्हापूर येथील एका नेत्याने खासदार, आमदार यांना सांगून शेतकरी वर्गासाठी परवानगी मागितली होती. त्यानुसार फक्त ज्या शेतकऱ्यांची शेती अलीकडे किंवा पलीकडे आहे. अशा शेतकऱ्यांना कांही तासांच्या मुदतीवर सोडण्यात येत होते. पण नेमका याच गोष्टीचा फायदा घेत व जिल्हा बंदीचा फज्जा उडवत नाकरिकांनी सरळ खुलेआम वाहतूक सुरु केली आहे.