प्रतिनिधी / पणजी
‘दृष्टी’च्या संपकारी जीवरक्षकांनी त्यांच्या विविध मागण्यांसाठी आल्तिनो पणजी येथील निवासस्थानी मुख्यमंत्री डॉ. प्रमोद सावंत यांना भेटण्याचा प्रयत्न केला. परंतु त्यांना भेट मिळाली नाही. शेवटी तेथील कार्यालयात निवेदन सादर करून ते निघून गेले.
त्यांच्या नेत्या स्वाती केरकर त्यावेळी तेथे उपस्थित होत्या. त्यांनी सांगितले की, त्या जीवरक्षकांच्या ‘दृष्टी’ अंतर्गत काम करण्यास विरोध असून त्यांना पर्यटन महामंडळात समाविष्ट करून नोकरीत कायम घ्यावे, अशी त्यांची मागणी आहे. त्यावर विचार करण्याचे आश्वासन डॉ. सावंत यांनी दिले हाते म्हणून त्यांनी त्यांची पुन्हा भेट घेण्याचा प्रयत्न केला, पण तो यशस्वी झाला नाही.