तरुण भारत वृत्ताची घेतली दखल
बेळगाव : देशमुख रोडच्या कामाला अखेर प्रारंभ झाला. टिळकवाडी येथील महत्त्वाच्या सी. डी. देशमुख रोडची अक्षरशः चाळण झाली होती यासंदर्भात ‘तरुण भारत’ने सोमवारी वृत्त प्रसिद्ध करून प्रशासनाचे लक्ष वेधले आहे. याचाच परिणाम म्हणून बुधवारपासून सी. डी. देशमुख रोडच्या दुरुस्तीच्या कामाला प्रारंभ झाला आहे. शहरातील असंख्य रस्त्यांप्रमाणेच या रस्त्याची दुरवस्था झाली होती. याचा नागरिकांना आणि व्यावसायिकांना अधिक फटका बसतो. अर्धवट कामामुळे सर्वत्र खडी, मातीचे ढिगारे हे चित्र दिसते. मात्र, आता या रस्त्याच्या कामाला सुरुवात झाल्याने नागरिकांमध्ये समाधान व्यक्त होत आहे.