ऑनलाईन टीम / नवी दिल्ली :
देशात मागील 24 तासात 3970 जणांना कोरोनाची बाधा झाली आहे. तर 103 रुग्णांचा मृत्यू झाला आहे. देशातील एकूण कोरोनाग्रस्तांची संख्या आता 85 हजार 940 वर पोहचली असून, मृतांचा संख्या 2752 एवढी आहे. केंद्रीय आरोग्य मंत्रालयाने याबाबतची माहिती दिली आहे.
सध्या देशात 53 हजार 035 ॲक्टिव कोरोना रुग्ण असून, त्यांच्यावर रुग्णालयात उपचार सुरू आहेत. आतापर्यंत 30 हजार 152 रुग्ण या आजारातून पूर्णपणे बरे झाले असून, त्यांना डिस्चार्ज देण्यात आला आहे. देशात कोरोना रुग्णांचे बरे होण्याचे प्रमाण 35.08 टक्के आहे.
महाराष्ट्रात 1606 नवे रुग्ण
महाराष्ट्रात मागील 24 तासात 1606 नवे रुग्ण आढळून आले आहेत. तर 67 जणांचा मृत्यू झाला आहे. काल दिवसभरात 524 रुग्ण बरे झाले आहेत. महाराष्ट्रातील एकूण कोरोनाबाधितांची संख्या 30 हजार 706 वर पोहचली असून, 7088 रुग्णांना डिस्चार्ज देण्यात आला आहे.