तरुण भारत संवाद प्रतिनिधी / सोलापूर
जुगाराच्या गुन्हयात आरोपी न करण्यासाठी दोन लाख रूपयांची लाच घेणारा सदर बाझार पोलीस ठाण्यातील पोलीस नाईक गणपतसिंग महोनसिंग चव्हाण (वय ३८) याला त्याचा साथीदार धीरजकुमार पांडुरंग शिवशरण (वय ३४) याला लाच लुचपत प्रतिबंधक विभागाने पकडले आहे.
याबाबत अधिक माहिती अशी की, तक्रारदाराच्या मित्रावर जुगाराचा गुन्हा दाखल करण्यात आला होता. त्या गुन्ह्यामध्ये तक्रारदाराला आरोपी न करण्यासाठी गणपतसिंह चव्हाण याने दोन लाख रुपयांची लाच मागितली. त्याचा साथीदार शिवशरण याच्या मार्फत दोन लाख रुपये लाच स्विकारताना लाचलुचपत प्रतिबंधक विभागाने शुक्रवारी सायंकाळी आरोपींना रंगेहाथ पकडले. ही कारवाई पोलीस उपाधिक्षक संजीव पाटील, पोलीस निरीक्षक जगदीश भोपळे, रशीद बाणेवाले, श्रीराम घुगे, सनी वाघमारे यांनी केली. दरम्यान रात्री उशिरापर्यंत आरोपी चव्हाण यांच्या घराची झडती घेण्यात येत असल्याची माहिती पोलिस सूत्रांनी दिली.