प्रतिनिधी / कुर्डुवाडी
घाटणे ता माढा येथे दोन वर्षाच्या छोट्या मुलाचा पाण्यात बुडून मृत्यू झाला. ही घटना दि १९ रोजी संध्याकाळी सहा वा. पुर्वी घडली. शिवांश सचिन बागल वय २ वर्षे रा घाटणे ता माढा असे मयताचे नाव आहे.
याबाबत पोलिसांनी दिलेली माहिती अशी की शिवांश हा आजीकडे घाटणे येथे गेला होता. शेतातच असलेल्या घरासमोर गुरांना पाणी पिण्यासाठी हौदाच्या आकाराच्या छोट्याश्या शेततळ्यात हा मुलगा खेळताखेळता पडला. त्याला उपचारासाठी कुर्डुवाडी येथील खासगी दवाखान्यात आणले असता तो उपचारापूर्वीच मयत झाला असल्याचे डॉक्टरांनी सांगितले. या घटनेची कुर्डुवाडी पोलीस ठाण्यात नोंद झाली असून पुढील तपास हे.कॉ. पाटील हे करीत आहेत.