प्रतिनिधी/ बेळगाव
घटनेमध्ये धर्मांतर विरोधी कायद्याची तरतूद असताना कर्नाटकात वेगळय़ा कायद्याची गरज नाही, असे स्पष्ट मत बिशप डेरीक फर्नांडीस यांनी व्यक्त केले. शनिवारी सकाळी बिशप हाऊस येथे प्रसार माध्यमांशी बोलताना ते म्हणाले, कर्नाटकात हा कायदा लागू झाल्यास धर्मांध शक्तीकडून त्याचा दुरुपयोग होईल व याचा ख्रिस्ती समाजाला त्रास होईल.
प्रलोभन दाखवून अथवा सक्ती करुन कोणाचेच धर्मांतर करणे शक्मय नाही. स्वेच्छेने धर्म बदलणे शक्मय आहे. परंतु त्यासाठी सक्ती करता येत नाही. ख्रिस्ती धर्म कायदा 748/2 नुसार सक्तीने धर्मांतर करणे पाप आहे. अशा धर्मांतराला आमचा विरोध आहे.
सक्तीच्या धर्मांतर विरोधात अनेक कायदे आहेत. तेंव्हा कर्नाटकात नवीन कायद्याची गरज नाही. ख्रिस्ती समाजाकडून शेकडो शाळा चालविल्या जातात. या ठिकाणी आजपर्यंत कोणाचेही धर्मांतर केले नाही. त्यामुळे सरकारने आम्हाला संरक्षण द्यावे व धर्मांतर विरोधी कायदा लागू करु नये, अशी मागणी डॉ. डेरीक यांनी केली.