वार्ताहर/ धामणे
धामणे येथील मराठी प्राथमिक शाळेत विद्यार्थ्यांना गणवेश आणि धान्य वाटप करण्यात आले. शाळेतील पहिली ते पाचवीच्या विद्यार्थ्यांना दोन किलो तांदूळ, 1 किलो 700 ग्रॅम गहू, 1 किलो 85 ग्रॅम तुरडाळ त्याचप्रमाणे 6 वी ते 7 वीच्या विद्यार्थ्यांना तीन किलो तांदूळ, 2 किलो 550 ग्रॅम गहू, 2 किलो 700 ग्रॅम तुरडाळ वाटप करण्यात आले. तसेच विद्यार्थ्यांना शाळेचा गणवेश एसडीएमसी अध्यक्ष दीपक बाळेकुंद्री यांच्या हस्ते विद्यार्थ्यांच्या पालकांना शाळेत बोलावून दिले.
याप्रसंगी शाळेचे एसडीएमसी अध्यक्ष, मुख्याध्यापिका जी. एस. गाडे, शिक्षक बी. एस. चव्हाण, बी. डी. बागेवाडी, ए. एस. हुद्दार, एस. आर. घाडी, एम. आर. ताळेकर व पालक उपस्थित होते.