मुंबई / वृत्तसंस्था
आयपीएलमधील 2 नव्या संघांसाठी दि. 17 ऑक्टोबरला ऑनलाईन लिलाव होणार असल्याची माहिती भारतीय क्रिकेट नियामक मंडळाने दिली. दि. 31 ऑगस्ट रोजी यासाठी मंडळाने प्रक्रियेला सुरुवात केली होती.
प्रारंभी टेंडर खुले केले गेले आणि इच्छुकांनी ऑनलाईन अर्ज दाखल करण्याच्या प्रक्रियेला सुरुवात झाली. दोन नवे संघ 2022 आयपीएल आवृत्तीपासून सहभागी होऊ शकणार आहेत. निकष पूर्ण करणाऱया पार्टींची यादी निश्चित केली जाणार असून दि. 17 ऑक्टोबर रोजी लिलाव होईल. अहमदाबाद, लखनौ, पुणे ही नव्या प्रँचायझीची केंद्रे असू शकतात.
अहमदाबादमधील नरेंद्र मोदी स्टेडियम व लखनौमधील एकना स्टेडियम प्रँचायझीसाठी होम ग्राऊंडचे पर्याय असू शकतात. बिझनेस हाऊसेसमधील अदानी समूह, आरपीजी संजीव गोएंका समूह, फार्मा कंपनी टोरेन्ट व एका प्रॉमिनन्ट बँकरनी संघ खरेदी करण्यात स्वारस्य दाखवले आहे.