प्रतिनिधी/ बेळगाव
बाजार गल्ली, वडगाव येथील दक्षिणाभिमुख मारुतीला शनिवार दि. 26 रोजी महारुदाभिषेक करण्यात आला. नव्या अवतारातील कोरोनापासून भक्तांचे रक्षण करण्यासाठी मारुतीरायाला साकडे घालण्यात आले.
पुजारी बद्रीनाथ कुलकर्णी, हभप वैजनाथ उच्चुकर यांनी रुईच्या पानांवर देशाचे नाव लिहून समस्त देशवासियांचे रक्षण व्हावे यासाठी पूजेचे आयोजन केले होते. यावेळी मंदिराचे ट्रस्टी अक्षय पिळणकर व इतर भक्तजन उपस्थित होते. अभिषेकानंतर भक्तांना तीर्थप्रसादाचे वाटप करण्यात आले.