प्रतिनिधी / सातारा :
पोवई नाक्यावर महत्वकांक्षी असे ग्रेड सेपरेटरचे काम 95 टक्के झाले आहे. उरलेले काम वेगाने सुरु आहे. असे असतानाच काही ठिकाणी केलेले रस्ते दबले जात आहेत. ते निदर्शनास येताच पुन्हा तेथे भर टाकून घेवून काम करण्यात येत आहे. बुधवारीही पोवई नाक्यावर असेच भर टाकून रस्ता करण्याचे काम पावसातही सुरु होते, असे काही सामाजिक कार्यकर्त्यांनी फोटो व्हायरल केले आहेत. दरम्यान, हे काम काहीसे दर्जेदार झाले नसल्याचाही त्यांचा आरोप होत आहे.