ऑनलाईन टीम / मुंबई :
मुंबईतील मालाडमधील व महाड येथील इमारत दुर्घटना ताजी असतानाच दक्षिण मुंबईतील नागपाडा परिसरात आणखी एका इमारतीचा भाग कोसळल्याची घटना गुरूवारी दुपारी 1 वाजताच्या सुमारास घडली.
मिळालेल्या माहितीनुसार, यामध्ये चार जण ढिगाऱ्याखाली अडकल्याची भीती व्यक्त करण्यात आली असून, माहिती मिळताच अग्निशमन दलाने घटनास्थळी धाव घेत मदत कार्य सुरू केले आहे.
कोसळलेल्या ढिगाऱ्याखाली चार जण अडकल्याचे वृत्त आहे. दरम्यान, इमारतीचा भाग कोसळल्याची माहिती अग्निशमक दलाला देण्यात आली. जवानांनी तातडीने घटनास्थळी दाखल होत मदत कार्य सुरू केले आहे. अग्निशमक दलाची पाच वाहने, रुग्णवाहिका घटनास्थळी दाखल झाल्या आहेत. सध्या युद्धपातळीवर बचाव कार्य सुरू आहे, अशी माहिती अधिकाऱ्यांनी दिली.