ऑनलाईन टीम/तरुण भारत
शिवसैनिक संतोष परब यांच्यावर हल्ला प्रकरणी भाजप आमदार नितेश राणे यांनी हायकोर्टात केलेला जामीन अर्ज बुधवारी मागे घेतला. त्यांनतर ते कणकवली दिवाणी न्यायालयात हजर झाले. नितेश राणे कोर्टात हजर झाल्यांनतर त्यांना पोलीस कोठडी मिळणार की बेल मिळणार याकडे प्रतीक्षा लागून राहिली होती पण त्यांना न्यायालयाने ४ फेब्रुवारी पर्यंत पोलीस कोठडी सुनावली होती. आज नितेश राणे यांची पोलीस कोठडी संपली. यांनतर त्यांना आज पुन्हा न्यायालयात हजर केलं असता न्यायालयाने त्यांना १८ फेब्रुवारीपर्यंत न्यायालयीन कोठडी सुनावली आहे.
सत्र न्यायालयात जामिनासाठी अर्ज करणार
पोलीस कोठडीची मुदत वाढवण्याची पोलिसांची मागणी न्यायालयाने फेटाळत लावली आणि त्यांना न्यायालयीन कोठडी सुनावली आहे. त्यामुळे आता लगेचच जिल्हा सत्र न्यायालयामध्ये जामिनासाठीचा अर्ज दाखल करणार असल्याची माहिती नितेश राणे यांचे वकील सतीश मानेशिंदे व संग्राम देसाई यांनी दिली आहे.