प्रतिनिधी / सातारा :
सातारा तालुक्यातील सासपडे येथील निलेश मधूकर फाळके यांची आरोग्य, वैद्यकीय, शिक्षण राज्यमंत्री राजेंद्र पाटील यड्रावकर यांचे विशेष कार्य अधिकारी या पदावर नियुक्ती झाली आहे. फाळके हे सध्या आरोग्य विभाग, मुंबई येथे अवर सचिव या पदावर कार्यरत होते. कोरोना लसीकरणचा अत्यंत संवेदनशील विषय हाताळत होते. यापूर्वी फाळके यांनी महाविद्यालयीन जीवनात पत्रकार म्हणून काम केले आहे.
लोकसेवा आयोगाद्वारे मंत्रालयात कक्ष अधिकारी पदावर नियुक्ती झाल्यानंतर त्यांनी गृहनिर्माण, जलसंपदा व आरोग्य विभागात आपल्या कामाचा ठसा उमटवला. यापूर्वी त्यांनी जलसंपदा राज्यमंत्री विजय शिवतारे, जलसंपदा मंत्री तानाजीराव सावंत, सध्याचे गृहराज्यमंत्री शंभूराज देसाई यांच्या आस्थापनेवर विशेष कार्य अधिकारी या पदावर काम केले आहे. त्यांच्या या नियुक्तीबाबत सर्वस्तरातून अभिनंदन होत आहे.