रोम : सोमवारपासून येथे सुरू झालेल्या एटीपी टूरवरील इटालियन खुल्या पुरूषांच्या क्ले कोर्ट टेनिस स्पर्धेत जपानचा निशीकोरी, बल्गेरियाचा डिमिट्रोव्ह आणि क्रोएशियाचा सिलीक यांनी एकेरीत विजयी सलामी दिली. चालू वर्षांतील निशीकोरीचा हा पहिला विजय आहे.
जपानच्या निशीकोरीने पहिल्या फेरीतील सामन्यात तब्बल दोन तासांच्या कालावधीत स्पेनच्या व्हिनोलासचा 6-4, 7-6 (7-3)
असा पराभव करत दुसरी फेरी गाठली. बल्गेरियाच्या 15 व्या मानांकित डिमिट्रोव्हने इटलीच्या वाईल्ड कार्डधारक मॅगेरचा 7-5, 6-1 तसेच सिलीकने कझाकस्तानच्या बुबलीकचा 6-7 (4-7), 6-2, 6-4 असा पराभव करत विजयी सलामी दिली. इटलीच्या सिनेरने फ्रान्सच्या पेरीचा 6-2, 6-1, कोरिकने गॅरीनचा 6-4, 6-4, फ्रान्सच्या हंबर्टने अँडरसनचा 6-3, 7-6 (7-5) असा पराभव केला.
महिलांत मर्टन्सने विजयी सलामी देताना तैवानच्या वेईचा 6-3, 6-1, इटलीच्या पाओलीनीने लॅटव्हियाच्या सेव्हास्टोव्हाचा 6-2, 6-3, झेकच्या स्ट्रायकोव्हाने रशियाच्या कुडेरमेटोव्हाचा 6-3, 6-3 असा पराभव करून दुसरी फेरी गाठली.
करत दुसऱया फेरीत प्रवेश मिळविला.