नवी दिल्ली
नीट पीजी 2022 परीक्षा पुढे ढकलण्याची मागणी करणारी याचिका सर्वोच्च न्यायालयाने फेटाळली आहे. परीक्षा स्थगित केल्यास रुग्णांची देखभाल आणि उपचाराच्या व्यवस्थेवर प्रभाव पडणार असल्याचे सर्वोच्च न्यायालयाने शुक्रवारी सुनावणीवेळी म्हटले आहे. रुग्णालयांमध्ये पूर्वी रेजिडेंट डॉक्टरांची कमतरता असल्याच्या केंद्र सरकारच्या भूमिकेवर खंडपीठाने सहमती दर्शविली आहे. नीट पीजी 2022 साठी नोंदणी केलेल्या 2.06 लाख डॉक्टरांच्या कारकीर्दीवरही परीक्षा स्थगित केल्यास प्रभाव पडणार असल्याचे म्हणत खंडपीठाने याचिका फेटाळली आहे.