प्रतिनिधी /केपे
कुडचडे मतदारसंघातील भाजप उमेदवार व विद्यमान आमदार तसेच वीजमंत्री नीलेश काब्राल यांनी शुक्रवारी आपला उमेदवारी अर्ज दाखल केला. उमेदवारी दाखल केल्यानंतर पत्रकारांशी बोलताना ते म्हणाले की, भाजप सरकारने गेल्या पाच वर्षांत केलेला विकास फक्त भाजपच पुढे नेऊ शकतो आणि यासाठी परत एकदा भाजप सत्तेवर येणे गरजेचे आहे. मागच्या दीड वर्षात राज्यात कोविड परिस्थितीमुळे कामाची गती मंदावली तसेच संसाधनांच्या कमतरतेमुळे प्रगती थांबली, असे काब्राल म्हणाले. त्यांच्याबरोबर कुडचडे-काकोडा नगराध्यक्ष विश्वास सावंत, जिल्हा पंचायत सदस्य सिद्धार्थ देसाई, उपनगराध्यक्षा रुचा वस्त, नगरसेवक प्रमोद नाईक, प्रसन्ना भेंडे, शेल्डेचे सरपंच कायतान लिमा तसेच पंच, असोल्डा पंचायतीचे पंच, कार्यकर्ते आणि समर्थक मोठय़ा संख्येने उपस्थित होते.