अक्कलकोट : प्रतिनिधी
मैंदर्गी येथील एका २४ वर्षीय तरूणाने नैराशेतुन अज्ञात रेल्वेखाली येऊन आत्महत्या केल्याची घटना घडली. अमित शिवचलप्पा जकापुरे (वय- २४) रा.मैंदर्गी असे मयताचे नांव आहे. १७ जानेवारी रोजी रात्री साडेअकरा ते १८ जानेवारी रोजी सकाळी सात वाजणेच्या दरम्यान इलेक्ट्रिक पोल क्रमांक ५१२/१२ ते ५१२/१४ रूद्धेवाडी ता.अक्कलकोट शिवारातील रेल्वे रूळावर रेल्वेने जोरात धडक दिल्याने गंभीर जख्मी होऊन जागीच मयत झाला. ही खबर नातेवाईक दरेप्पा बाळप्पा जक्कापुरे (वय ५२) मैंदर्गी यांनी दिली.
१७ जानेवारी रात्री अकरावाजल्यापासुन मयत अमित न आल्याने वडिलांनी शोधाशोध केली पण मिळुन आला नाही. सकाळी रेल्वेरूळावर छिनविछिन्न मृतदेह आढळला. हातावरील टँटु, मोबाईल कपड्यावरुन ओळख पटली. मरणापुर्वी आपल्या मोबाईलमध्ये व्हिडिओ रेकॉर्डिंक करून माझ्या मुत्यृस कोणासही जबाबदार धरु नका असे सांगुन चांगले मित्र मिळाल्याबद्दल आभार मानले असल्याची माहिती पोलीस सुत्रांनी दिली. अधिक तपास पोलीस नाईक नबी मियावाले हे करीत आहेत