ऑनलाईन टीम / नौशेरा :
जम्मू-काश्मीरच्या नौशेरा सेक्टरमध्ये सुरक्षा दल आणि दहशतवाद्यांमध्ये आज सकाळी झालेल्या चकमकीत दोन जवान शहीद झाले आहेत.
नौशेरा सेक्टर परिसरात काही दहशतवादी लपून बसल्याची माहिती सुरक्षा दलांना मिळाली होती. त्यानुसार सुरक्षा दलाने आज सकाळी शोधमोहीम हाती घेतली. दरम्यान, सुरक्षा दलाने या परिसराला घेराव घातला. त्यावेळी सुरक्षा दल आणि दहशतवाद्यांमध्ये झालेल्या गोळीबारात दोन जवान शहीद झाले. दहशतवाद्यांकडून गोळीबार सुरू असून, गोळीबाराला जवानांकडून चोख प्रत्युत्तर दिले जात आहे.