वृत्तसंस्था/ वेलिंग्टन
जुलै महिन्यात होणाऱया ऑलिंपिक स्पर्धेसाठी जाणाऱया न्यूझीलंडच्या महिलांच्या वेटलिफ्टिग संघामध्ये तृतीयपंथीय ऍथलीट (ट्रान्सजेंडर) लॉरेल हुबर्डचा समावेश करण्यात आला आहे. सदर माहिती न्यूझीलंडच्या ऑलिंपिक समितीने सोमवारी दिली आहे.
न्यूझीलंडचा वेट लिफ्टर हुबर्डने 2013 पूर्वी पुरूष विभागातून विविध स्पर्धामध्ये सहभाग दर्शविला होता. 2013 च्या उत्तरार्धात हुबर्डवर शस्त्रक्रिया करण्यात आली आणि त्यानंतर त्याचा ट्रान्सजेंडरमध्ये समावेश झाला. ऑलिंपिक स्पर्धेच्या इतिहासात पहिल्यांदाच यावेळी ट्रान्सजेंडर ऍथलीट खेळताना पाहावयास मिळणार आहे.