वृत्तसंस्था/ अँटेलिया (तुर्की)
येथे सुरू असलेल्या पुरुषांच्या विश्व स्नूकर चॅम्पियनशिप स्पर्धेत भारताचा आंतरराष्ट्रीय दर्जाचा स्नूकरपटू पंकज अडवाणीने बाद फेरीतील आपले स्थान निश्चित केले आहे.
या स्पर्धेत पंकज अडवाणीने आपल्या गटातील प्राथमिक फेरीत सर्व सामने जिंकले आहेत. क गटात त्याचा समावेश आहे. या गटातील पहिल्या सामन्यात अडवाणीने तुर्कीच्या वाय. अब्दुररेहमानचा 3-0 अशा प्रेम्समध्ये (62-2, 117-8, 75-15) असा पराभव केला. या लढतीमध्ये पंकजने दुसऱया पेममध्ये शतकी ब्रेक नोंदवली. दुसऱया सामन्यात पंकज अडवाणीने इजिप्तच्या अहमद समीरवर 3-0 अशा प्रेम्समध्ये मात केली. तिसऱया सामन्यात अडवाणीने नेदरलँडस्च्या मार्को रिजेर्सचा 3-0 अशा प्रेम्समध्ये एकतर्फी पराभव केला. गेल्या महिन्यात कौलालंपूर येथे झालेल्या बिलियर्डस् स्पर्धेत पंकज अडवाणीने आपल्या देशाच्या सौरभ कोठारीचा पराभव करून विजतेपद पटकाविले होते. पंकजने आपल्या वैयक्तिक कारकीर्दीत 25 वेळा विश्व चॅम्पियनशिप स्पर्धा जिंकल्या आहेत.