ऑनलाईन टीम / चंदीगड :
पंजाबमध्ये मागील 24 तासात 1 हजार 793 नव्या कोरोना रुग्णांची नोंद झाली. त्यामुळे पंजाबमधील कोरोना बाधितांची एकूण संख्या 1 लाख 5 हजार 220 वर पोहोचली आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, पंजाबमधील एकूण 1,05,220 रुग्णांपैकी 81 हजार 475 रुग्ण कोरोनामुक्त झाले आहेत. तर आतापर्यंत 3 हजार 066 जणांचा कोरोनामुळे मृत्यू झाला आहे.
- 20,679 रुग्णांवर उपचार सुरू
ताज्या आकडेवारी नुसार, पंजाबमध्ये आतापर्यंत जवळपास 16 लाख 82 हजार 723 टेस्ट करण्यात आल्या आहेत. सद्य स्थितीत 20 हजार 679 रुग्णांवर विविध रुग्णालयात उपचार सुरू आहेत. त्यातील 443 रुग्णांना अक्सिजन सपोर्टवर ठेवण्यात आले आहे. तर 76 जण व्हेंटिलेटरवर आहेत.