ऑनलाईन टीम / चंदीगड :
पंजाबमध्ये मागील 24 तासात 614 नव्या कोरोना रुग्णांची नोंद झाली. तर 22 जणांचा मृत्यू झाला. त्यामुळे पंजाबमधील कोरोना बाधितांची एकूण संख्या 1 लाख 47 हजार 655 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, काल 439 जणांना डिस्चार्ज देण्यात आला. तर आतापर्यंतच्या एकूण 1,47,655 रुग्णांपैकी 1 लाख 36 हजार 178 रुग्ण कोरोनामुक्त झाले आहेत. तर आतापर्यंत 4 हजार 653 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 30 लाख 51 हजार 542 टेस्ट करण्यात आल्या आहेत. सद्य स्थितीत 6 हजार 834 रुग्णांवर विविध रुग्णालयात उपचार सुरू आहेत. त्यातील 139 रुग्णांना अक्सिजन सपोर्टवर ठेवण्यात आले आहे. तर 11 जण व्हेंटिलेटरवर आहेत.