ऑनलाईन टीम
पंतप्रधान नरेंद्र मोदी आपल्या ‘मन की बात’ या रेडिओ कार्यक्रमातून देशवासियाशी संवाद साधत असतात. यावेळी ते नागरिकांकडून अनेक कल्पना जाणून घेवून यशस्वी नागरिकांचे कौतुक करतात. मागील मन की बात कार्यक्रमात मोदींनी भारतीय संस्कृतीतील रेन वॉटर हार्वेस्टिंगच्या महत्त्वावर भर दिला होता. यावेळी ते कोणत्या विषयाला प्राधान्य देतात हे पाहावे लागणार आहे.
पंतप्रधान नरेंद्र मोदी २४ ऑक्टोबर रोजी मन की बात या रेडिओ कार्यक्रमात आपले विचार मांडणार आहेत. मोदींच्या मन की बात कार्यक्रमाचा हा ८२ वा भाग असेल. हे कार्यक्रम ऑल इंडिया रेडिओ (AIR), दूरदर्शन, AIR न्यूज आणि मोबाईल अॅपच्या संपूर्ण नेटवर्कवर देखील प्रसारित केले जातील. खुद्द पंतप्रधानांनी याबाबत ट्विट करून माहिती शेअर केली. या भागासाठी आपल्या कल्पना सांगण्यासाठी मी तुम्हा सर्वांना आमंत्रित करतो,” असे पंतप्रधान मोदी यांनी आपल्या ट्विटमध्ये म्हटले आहे.
मन की बात हा पंतप्रधान नरेंद्र मोदींचा मासिक रेडिओ कार्यक्रम आहे, जो प्रत्येक महिन्याच्या शेवटच्या रविवारी प्रसारित होतो.