ऑनलाईन टीम / पुणे :
पतित पावन संघटना, स्व-रूपवर्धिनी, आरोग्य भारती, समर्थ भारत पुनर्बांधणी योजना व ए.एस.जी.आय. हॉस्पिटल यांच्यातर्फे गुरुवार पेठेत मोफत आरोग्य तपासणी शिबिर आयोजित करण्यात आले. शिबीरात सुमारे 400 नागरिकांनी सहभाग घेतला होता.
राष्ट्रीय स्वयंसेवक संघाचे कसबा भाग संघचालक प्रशांत यादव, सुनील दाभाडे, हेमंत किराड, मंगेश शिंदे, नरेश आडेप, उमेश चव्हाण, किशोर राजपूत, प्रमोद राणा, रवींद्र बैताडे यांसह संघटनेचे पदाधिकारी यावेळी उपस्थित होते. राजाभाऊ राजपूत, स्वप्निल नाईक, अमित राजपूत, रोहित बलवार, मनीष खेडेकर, रुपेश गाढवे,ओंकार राजपूत, सागर बलवार, सचिन राजपूत व महेश बलवार यांनी शिबीराचे आयोजन केले होते.
शिबिरात सर्दी, खोकला, ऑक्सिजन पातळी, डोळे, रक्तदाब, मधुमेह, वजन व रक्त तपासणी करण्यात आली. तसेच गरजेनुसार होमिओपॅथी गोळ्या आणि काढा देखील देण्यात आला. सन 2020 व 2021 वर्षात कोरोनासारख्या संसर्गजन्य रोगापासून बचावासाठी या शिबीराचे आयोजन करण्यात आले होते.