नवी दिल्ली-
वरिष्ठ पत्रकार आणि हिंदी न्यूज चॅनेल आज तकचे वरिष्ठ अँकर रोहित सरदाना यांचे शुक्रवार, 30 एप्रिल रोजी निधन झाले. कोरोना संसर्गातून सावरल्यानंतर हृदयविकाराच्या झटक्मयाने त्यांना मृत्यूने कवटाळले. त्यांच्या निधनावर देशभरातून शोक व्यक्त करण्यात येत आहे. सरदाना हे टीव्हीवरील किंवा न्यूज चॅनेलवरील प्रचलित चेहरा होते. वृत्तवाहिन्यांमधील आघाडीचे पत्रकार आणि अँकर अशी त्यांची ओळख होती. रोहित सरदाना हे 2017 मध्ये ‘आज तक’मध्ये रुजू झाले होते. त्याआधी ते झी न्यूजमध्ये कार्यरत होते. आज तक या हिंदी न्यूज चॅनेलवर ते ‘दंगल’ या एका डिबेट शोचे अँकर होते. रोहित सरदाना यांना 2018 मध्ये गणेश विद्यार्थी पुरस्काराने सन्मानित करण्यात आले होते.