जागतिक महामारीच्या दुसऱया लाटेला सामोरा जाणाऱया पाकिस्तानने देशात विवाहसोहळय़ांच्या आयोजनासंबंधी नवे दिशानिर्देश लागू केले आहेत. . नॅशनल कमांड अँड ऑपरेशन सेंटरने विषाणूचा फैलाव रोखण्यासाठी अतिरिक्त दिशानिर्देश घोषित केले आहेत. यानुसार विवाह सोहळय़ांमध्ये सामील लोकांना 6 फुटांचे अंतर राखावे लागणार आहे. सोहळा 2 तासांहून अधिक कालावधीचा नसावा आणि रात्री 10 वाजेपर्यंत सोहळा आटोपता घ्यावा असे बजावण्यात आले आहे. तसेच प्रत्येकाला मास्कचा वापर करावा लागणार आहे.
तसेच आयोजकांना प्रवेशद्वारावरच आसनक्षमतेचा उल्लेख करावा लागणार आहे. बुफे डिनरवर बंदी घालण्यात आली असून केवळ ‘लंच बॉक्स’मध्ये जेवण देण्याची अनुमती असणार आहे.