प्रतिनिधी / सिंधुदुर्गनगरी:
महाराष्ट्र राज्याचे उच्च व तंत्रशिक्षणमंत्री तथा सिंधुदुर्ग जिल्हय़ाचे पालकमंत्री उदय सामंत यांना कोरोनाची लागण झाली आहे. गेल्या दहा दिवसांपासून ते विलगीकरणात आहेत. सामंत यांनी स्वत: ट्वीट करून आपल्या संपर्कात आलेल्या व्यक्तींना काळजी घेण्याचं आवाहन केलं आहे. पुढील आठवडय़ात जनतेच्या सेवेत पूर्ववत रुजू होणार असल्याचा निर्धार त्यांनी व्यक्त केला.
पालकमंत्र्यांनी म्हटलं आहे की, ‘गेले दहा दिवस स्वतः विलगीकरणात आहे. कोरोनाची काही लक्षणे आढळल्याने मी स्वतः कोविड टेस्ट करून घेतली व रिपोर्ट पॉझिटिव्ह आला आहे. आपण गेल्या दहा दिवसांत कोणाच्याही संपर्कात नसल्यामुळे संसर्ग होण्याची शक्मयता अगदी कमी आहे. तरीही आपल्या संपर्कात आलेल्यांनी काळजी घ्यावी, मी ठणठणीत आहे. पुढच्या आठवडय़ात जनतेच्या सेवेत रुजू होणार आहे. काही दिवसांपूर्वी पालकमंत्री सामंत हे नागपूरहून विमानाने येताना राज्यमंत्री बच्चू कडू हे त्यांच्यासोबत होते. त्यानंतर बच्चू कडू हे कोरोना पॉझिटिव्ह आले होते. त्यामुळे सामंत खबरदारी म्हणून ‘सेल्फ क्वारंटाईन’ झाले होते. ogon.php