प्रतिनिधी / बेळगाव :
सध्या लॉकडाऊनच्या परिस्थितीचा सामना लोकांना वेगवेगळय़ा तऱहेने करावा लागत आहे. अशा काळात अनेकजण संकटकाळात धावून येत आहेत. पिरनवाडी येथे सध्या सीलडाऊन करण्यात आले आहे. येथील तारानगरमध्ये एका घरातील किचनच्या ट्रॉलीमध्ये पहाटे साप आला आणि साऱयांची भीतीने गाळण उडाली.
येथील सर्पमित्र रामनाथ मुचंडकर यांना कळविल्यावर तातडीने येऊन त्यांनी हा साप शिताफिने पकडला आणि साऱयांनी सुटकेचा नि:श्वास सोडला. रामनाथ मुचंडकर हे तरूण सर्पमित्र असून त्यांनी आतापर्यंत शंभरहून अधिक साप पकडून जंगलात सोडले आहेत.